Rəcəb Tayyib Ərdoğan səkkiz il sonra CHP lideri ilə görüşüb - YENİLƏNİB + FOTO

Türkiyə Prezidenti Rəcəb Tayyib Ərdoğan səkkiz illik fasilədən sonra ilk dəfə CHP lideri Özgür Özel ilə görüşüb.

Görüş Ədalət və İnkişaf Partiyasının Ümumi Qərargahında baş tutub və Təxminən bir saat yarım davam edib.

Özəl prezident Ərdoğanla görüşündən sonra “Sözcü”yə açıqlama verib.

“Görüş müsbət bir atmosferdə keçdi və müsbət nəticələr verəcəyinə ümid edirəm. Önümüzdəki günlərdə hadisələri izləyəcəyəm. Müzakirə və mübarizəmizi birlikdə aparacağıq”, - deyə o bəyan edib.

12:20

Türkiyə Prezidenti Rəcəb Tayyib Ərdoğan səkkiz il sonra CHP lideri Özgür Özel ilə görüşəcək.

Martda keçirilən yerli seçkidən sonra ilk təkbətək görüş Ədalət və İnkişaf Partiyasının Ümumi Qərargahında baş tutacaq.

Qeyd edək ki, Rəcəb Tayyib Ərdoğan və Özgür Özel arasında daha əvvəl Ramazan bayramını təbrik etmək üçün telefon danışığı olub. Ən son isə aprelin 23-də Türkiyə Böyük Millət Məclisində digər siyasi partiyaların nümayəndələrinin də olduğu Mermerli Salonda baş tutan bayramlaşma tədbirində bir araya gəliblər.

Ərdoğan və Özel arasında görüşdə aktual mövzuların müzakirə olunacağı gözlənilir. Bu mövzular arasında yeni konstitusiya ilə bağlı məsələlər, iqtisadiyyat sahəsindəki yeniliklər, həmçinin Qəzzadakı vəziyyət və digər məqamların da olduğu bildirilir.

Mənbə: Haber Global